八九十同eight nine ten

今日好多新野

買完晚餐麥當勞回家，開始接工人班，同阿囡玩好耐無玩既閃咭，佢依家真係好多野講，自己爭住數，又自己話唔玩，要睇故事書，又要打開櫃自己擺文具盒，又做體操，又自己埋位影相，影校服照片，玩得最耐當然係睇唱歌同玩相機個腳架。

歡笑聲

突然想起阿囡尋晚唱歌和做體操，全家都有笑聲，她真是我們的開心果。

女兒第一套運動校服

探訪

阿爸阿媽星期日坐兩蚊車黎睇吓個孫，星期六唔黎係因為一個簡單的理由，倆老唯一既娛樂就係星期六既跑馬仔。他們一定照例擔心落大雨不宜外出飲茶淋濕個孫，之後都係想到有個全程有瓦遮頭的行程，揸車去了荔枝角鴻星。地點食物從來都是次要的，他們全程都很開心係因為阿囡不停地有嘢講同埋好多互動，有碰杯，親親面，有分享食物，有握手等等，這個聚會連阿囡工人都哈哈大笑，十分歡暢。

故事

澄媽構想一邊洗澡一邊講故事，浴室要有暖氣之餘，地方恐怕要買樓先可以解決，唯有暫時像她現在對策，洗澡後說故事了。女兒現在也很喜歡聽呢！

原來有諗過這個

洛妍?你仲係要靜心嗎？不如潘靜嘉

買書是澄媽強項

你買的卡通書，小雞逛超市，正!

自己冧自己，哈哈哈

今晚唔算早

放工攞番啲嘢俾同事，買埋榮仔電話，食埋飯，已經九點多，立刻爭取時間同阿囡唱歌跳舞，好讓工人做家務同歇一會，同阿囡去華潤，買雪糕探婆婆，電梯大堂竟然學老太婆講嘢，"唔知佢點攪"，真好笑。返入房就響床上玩到癲咗

儍笑

發現

發現"Wtr ching ,..38.5 c" 個SMS係大除夕之前的

回港

真係好緊張阿囡，台灣返黎一邊話早啲休息，其實三個人都想見個孫同個囡，邊會立刻返屋企，而且阿囡仲要響阿婆玩緊，結果係十一點九我返黎，她們先至回家，我當然無問題啦，她們的心事和心情都很了解，她真的有很特別的位置，是很高興的事。阿囡返黎二樓，並唔係立刻訓，又要玩具櫃自己開，又要澄媽講故事，可能太耐無見，講完一個又一個，而且澄媽講故事真係好聽啲，又有互動找鴨仔遊戲，真係逗得她很高興，縮起膊頭來笑呢！最後凌晨一點多才睡，真熱鬧。

去體操前

怕阿囡在車上睡著，早點出發，響紅磡餐廳食麵，鄰近枱的姐姐和她打招呼，叫她請人地食甘大滋，佢都肯請陌生人，真大膽量。

探訪

阿爸阿媽星期日坐兩蚊車黎睇吓個孫，星期六唔黎係因為一個簡單的理由，倆老唯一既娛樂就係星期六既跑馬仔。他們一定照例擔心落大雨不宜外出飲茶淋濕個孫，之後都係想到有個全程有瓦遮頭的行程，揸車去了荔枝角鴻星。地點食物從來都是次要的，他們全程都很開心係因為阿囡不停地有嘢講同埋好多互動，有碰杯，親親面，有分享食物，有握手等等，這個聚會連阿囡工人都哈哈大笑，十分歡暢。

叫不停

阿囡學習講話，不停重覆已經學識的字眼來形容事物或表達意願，對新的詞彙都是過眼雲煙，知道是恆久的但使用都是一次性，反而動作就記實之餘仲會不停練習。記得和她一起依起棚牙刷牙仔，她便時時要求去，指導著物件卻不太一定記得物件的名字，卻說爸爸，姐姐或婆婆等等擁有人的名字，而且有時想叫你處理那物件或和她一起研究玩耍那物件，她便不停的爸爸，爸爸的叫，直至你回應她為止。當然她已經識行識走，有時還會跑過來拉你到事發現場即時要你參與，否則就吖吖地喊出她的堅持或哀求之歌，歌詞只得幾個字:爸爸，爸爸，啞哎啞哎啞哎啞哎啞哎啞哎啞哎啞哎!

一浪接一浪

前晚擔心個囡，睇咗監視器三粒鐘，尋日無發燒，以為過關，點知尋晚返黎，叫佢都唔肯採人應人，又猛咁打人打梳化打自己，憎到飛起，佢唔係普通扭，係真係到喊，有眼淚，完全唔俾我抱，阿婆和工人都攪佢唔倒，最鍾意既銀包都係玩一陣就唔要，無哂符。最後都係要用米奇老鼠電視音樂卡通片先坐低安靜半小時。真係估唔倒佢想要咩。

累壞

阿囡整日都無燒本來係好事，但唔係放心咗，因為佢不停流鼻水，仲間唔中有兩聲咳添，好怕病，上次尿道炎擔心餐死，阿婆覺得佢比起早兩日發緊燒的時候，精神面貌還要差，我陪她飯後玩積木和唱歌，之後帶她到阿公處睇電腦，避開工人榨西瓜汁，因為她已經習慣了時時有得飲"汁汁"。我一向怕她睇太多電腦，唯有唱幾次芝麻街便帶她入房玩羽毛球和鎚仔打波波。她十點半已經無哂電，不停揉著眼睛，又說要"膠豬豬"，很早便想睡，面上起了三個小紅點，實在令人擔心，阿婆和我一樣，想到要鬧鐘半夜看她，結果係由十二點到三點，透過監視器，邊睇火影邊觀察，見她翻來滾去七八次，還以為她覺得不適，其實係反訓，好彩的是她這麼活躍，代表她有力轉身唔會焗親。

扭力

端午節啦，阿囡可能還未發現我從那裏跑出來，一早見我便在厠所出現，之後便開始捉人，捉我和工人一齊坐梳化，捉我一起畫公仔，一起去厨房掉垃圾，又要我開電腦。好毅力!

唔擔心就假

我真口臭，講吓之嘛，原來九月仲有支流感針，跟住今朝就發高燒，頭同手都好興，唔探熱都知道佢燒，一探以為睇錯，三十八點八，立刻食粉紅色果隻退燒藥，下午仲有去遊戲班，她下午茶都有胃口，四點鐘退了大部分燒，點知六點半又燒過，三十九度，食藥沖涼一齊黎，最想貼小林退熱貼，但佢點呃都唔肯，現在都係好擔心，希望啲藥快啲Clìck in。

一個海港

，仲有一個海港城。澄媽買的藍帶子涼鞋，線條很美，她們說阿囡穿得特別好看，女兒是自己的，當然份外好看，我未見她穿也這樣覺得好看，真神算。她最近真活躍，在咖啡店老是要落地行，或者時時腳撐撐，放上枱面，實在很難在探索和守規矩之間落下界線。

最後一針

如果沒有記錯，今日澄媽趁病假同阿囡去打呢一針，應該係三歲前最後一枝。雖然依家啲打針食藥好普通嘢，但係最怕係啲非正常特別突發野，都係擔心會發燒或出疹等等，好彩一直以來都平安無事，希望她幸運和幸福，身體健康。