出奇

要寫中秋特別事，一定係估錯阿公的心意，以為不滿個孫亂發脾氣唔坐高櫈，唔食飯或者唔飲湯，阻住中秋晚飯，點知完全唔係果回事。事源一早約好下午阿囡同我啲同事在北角用餐過節，之後又同舅公舅婆飲茶，點知我地要同佢去佐敦睇陳昊，睇醫生之後又要去取咕，結果係四個活動之後，她唔知係過咗訓覺度氣，抑或太多打斷後死頂，佢返屋企後竟然唔訓。到我地去阿公阿婆屋企做節，佢又開始低電，少少鬧情緒，又無咩反應，結果係大家都有啲燥，阿公黑面，之後詩慧更踩親澄媽條尾，氣氛立刻僵住了，我去二樓拿了所有入睡法寶，騙了阿囡同澄媽入房，有十幾分鐘隔開，阿囡訓左，出返黎餐飯先至食得完。雖然食完之後，阿囡剛好醒左，氣氛回歸喜慶，後來才知阿公唔係嬲個孫，而係嬲我地做父母既，做咩玩到個囡咁盡無哂電，真係出人意表得黎好開心，因為阿公真係好錫佢。