如你聚餐，並不簡單

上個星期日呢，阿女好犀利，第一次約我去街食午飯，重點係佢想表達好愛我，佢話，你唔係鍾意我約你去街咩，我約你你係咪好開心，我當時喺餐廳，真係覺得好感動。嗰個係星期日嘅中午，因為阿女要一個人去睇戲，午餐呢就去咗圓方。我原本以為佢約咗朋友去睇戲食飯，原來係佢一個人去。我見有機會同阿女一齊去街，當然就馬上換衫出門口去圓方。由於阿女主動話畀我聽想約我出街食飯嘅心聲，我哋就打開咗好多講嘢嘅話題。有關於考試，有關於食嘢，有關於朋友，最重要又有關於txt。txt 係佢鍾意嘅五個男仔的韓國男團。真係好特別嘅一次飯餐。