玩我架車

阿囡今日早上返紅磡唱遊班。回程唔知點解無哂耐性。又唔俾人地唱歌。又唔俾人講佢啲對白。佢話返屋企就得。你就唔准許講同一樣。講吓啲交通燈或者綠色啲樹都唔俾。真獨裁！返到屋企停車場。突然又話唔返屋企。係都要坐車。我叫走左工人。以為帶佢去公園睇吓花鳥或遊樂滑梯。點知死灰復燃。係都要上返車。去到車旁。玩完一輪防盜。都係引唔到佢返屋企。仲要我坐司機位。還要搵工人姐姐。我迫住開車遊上停車場頂。又落返黎。再遊公園一個圈。佢先話要返屋企。俾佢玩死咗！仲有。入屋後死都唔肯除鞋襪。除到八成叫佢都唔肯。唉。勁頑強！