概念

早幾晚電視做什麼什麼花鼠兄弟啦啦啦，啲松鼠卡通有九成像真的外表，但是卻雙腳站起來講英文的，阿囡二話不說便皺起眉頭來，跟著便躲在澄媽背後，澄媽還說卡通很好笑，阿囡當然唔係咁樣覺得啦，她不停說我唔睇松鼠，唔好睇松鼠。其實阿囡唔識聽又點會覺得好笑，而且呢啲擬人卡通最混淆她的理解，反而米奇老鼠或者龍貓這些純卡通，她還容易理解。另一方面當然是未見過的問題啦，還有一件事，她看的卡通人物，他們做的都是很簡單和率直的事，唱歌跳舞煮飯打波等等，邊會明白蠱惑幽默同滑稽，遲啲啦，識睇喜羊羊就明咩叫整古啦！