難得用中文

我哋偶然嘅一家三口去咗陳先生同V小姐屋企打邊爐。打完邊爐之後當然有玩遊戲嘅時間。我哋帶咗鄰居借畀我哋嘅遊戲去玩，阿囡竟然用中文去解釋遊戲規則，而且非常之努力。遊戲本身有一些道具，亦有一啲紙卡，如果要由頭將個遊戲講解，會分成三部分，那會包含圖畫內容，道具功能説明以及如何贏得遊戲。她全個過程都是用中文去告訴V，而且都是不斷尋找唔同嘅字眼啊，嘗試串聯成一句句有意思嘅句子。她的努力，她的勇敢，我真係覺得好欣慰。無論她現在或者將來嘅中文程度會係點樣，學嘅方法係本地人抑或係外國人方法，我覺得已經唔重要。最重要佢學得有自信，又開心，唔係一個懲罰。