新發展

最近一個星期，經常發現阿囡呆呆地看著電視二分鐘而唔貶眼，比起早幾個月稍為嚴重，令到我開始倍加留意。喺平日晚上，佢阿媽睇劇集，佢都唔多理會，只係對嗰啲有歌唱或歌聲既畫面有興趣，仲有係啲人報道新聞或財經分析佢先至睇，但依家連廣告都睇。我都明白佢係想學人講野，所以特別留意人的面部同埋口型，但係電視都係太多超現實或非日常訊息，而且有好多色彩和音效的官能或感觀刺激，將會太早剝奪她天然的感應和漸進的發展速度，令其他比較平淡的學習素材或事物變得索然無味。雖然阿囡對足球直播的草地同旁白完全是零興趣，最後我都係等佢訓咗覺或者去咗佢外婆屋企我先睇電視。