返學戰

阿囡未夠一歲，我地已經開始本地教育的第一個競爭，就係報幼兒班，今日有三間要報，一定要今朝親身去交。先係對衡道的方方，工作人員好溫文有禮，只有八九個家長，地方都好似幾大，門口有停車錶位，過程很順利，入選十月便要面試。去方方之前經過東寶庭道，發現民生好多人，唔知係唔係好幼兒園。之後去界限街朗思，未去到金巴倫道已經泊滿了私家人車，有泊到上行人路，有double park，心知不妙，去到學校，門口已經有好多人落的士同落私家車，踏入校門，七轉長蛇餅，百人大隊，看不見報名處，又要露天，真大件事，我無水無遮無紙巾，真係失了預算，四十分鐘後我終於離開，趕去盈輝臺的朗思，如果一樣情形的話就有機會交唔倒。不過，結果係五分鐘便完成，仲可以食埋午飯先攞車。