簡單

除夕晚餐原本係去必勝客食pizza的，但係人多隊長，又加上肚子餓了，唯有去唔洗排隊既美國餐廳。熱狗加啤酒，有埋阿囡陪我食，已經非常幸福的晚飯了!!!

對白

今早阿囡早起身過我，我見到她一面之餘，她也見到我換衫。當我換條長西裝褲的時候，她說我怕醜，哈哈哈哈。佢已經識分辨我的衣服，仲有知道那一條是我的皮帶。她當然好想自己穿在自己的身上，我唯有請求她幫我穿到我身上。可惜，她沒有攪清楚我褲頭上的皮帶孔，我已經急不及待自己示範了，因為我實在很趕時間呢，對不起啊。

堅持

我當然堅持要寫低阿囡所有有趣或不為人知既事，好讓我老黎佢唔啋我時自己慢慢回味。尋晚要同阿囡去尖沙咀買餸，順便去食晚飯，劉細路話佢好食得真係無錯，佢一去到便要食雪糕，個杯綠茶雲呢拿，響大人黎講當然唔大，但佢又未食飯，又剛病癒，真係唔想俾佢食禁多，但澄媽標準當然唔係好似我禁緊，我拿了個雞蛋大小的膠杯，分開了兩杯，澄媽係想俾杯大的給她，細的給我，我真係以為佢以為我同個囡搶嘢食。到阿囡差不多吃完 佢當然好似係寶貝咁樣，揸到個吉咗既威化杯實一實，唔肯弄掉，係都要食埋剩低果少少，好彩呃倒佢話個杯係唔食得，佢有信。之後響超市差啲俾佢攞到包餅乾，我地想走佢都仲想要行，我要話啲餅啊糖啊都唔係我地嫁，係售貨員姐姐，佢先至肯收手。買完餸我地又去八王子，佢一個人食緊雞肉腸，見倒冬來了 ，她又要烏冬，兩樣都未食完，又有枝豆來，她又要試，又要食，結果就有三碗野響佢面前，都唔知佢食得邊樣，認真攪笑!!

我要muffin

教育要條件

今早還未訓醒，阿囡已經嘈喧巴閉，佢訓醒當然係精力旺盛，我也照訓無礙。但係當她玩到用個玩具蓋章畫花個電視櫃，工人便加以勸阻及勸籲她，她當然唔明啦(明就奇)，亦唔會啋您，她大叫大嚷又似喊，又更加堅持畫多幾下，工人不停唔得唔好，阿囡又愈來愈嘈，雖然好眼睏，真係我忍不住要插手。我嘗試一手抱開她，但反而反抗更大更想喊，我明白不是硬來可以解決，工人趁我和阿囡週旋期間，嘗試立刻去清潔櫃面，我立刻阻止了，因為女兒只會覺得你和她對著幹，其他的原因會完全看不出來，更惶論是什麽道理。我和工人想走開之際由她亂畫，我發現她沒有繼續畫，只是站在櫃緣不知所惜，我便詢問她是否唔開心，她答說是，我便肯定一次我或我們不是阻止她畫，而是畫完之後要抹乾淨和清潔。我明白到女兒是講原因講邏輯的小孩，唯有試試叫她比較右邊未畫花既櫃面是白色，畫了的便是橙色，橙色dirty。她有答是唔開心，跟著便同意一起抹掉，她當然唔明白是抹不掉的，但我地一起去用乾紙巾和濕紙巾嘗試過，這個過程十分重要，一來要她明白有後果這個邏輯，畫完有個動作叫做"要抹"，二來要她知道自己畫緊嘅係咩嘢物質物料，唔同平時本簿既紙張，總括來說都其實沒有什麽把握，只是盡力明白她的想法和理解力的程度。

Boxing Day

澄媽等了這麽多天，終於等到廿六號了，那些買了已經超過一個星期的聖誕禮物，已經在澄媽的睡房準備好了。由於尋晚她怕了真人版聖誕老人的關係，第一份禮物並沒有成功地由聖誕老人送出，唯有全部五六份都一次過響今日黃昏拆，澄媽的作風當然係一次過拆哂，期待阿囡很高興，然後又立刻整齊地收埋，這個並無不妥，但女兒當然會想立刻同澄媽玩，唔肯收埋，澄媽當然唯有投降陪她玩，不過她一定很樂意的，因為阿囡真係玩得好開心。

工具

阿囡已經識得在我口述指令下，分別用鼓棒和鞋秋，試下把梳化底的粉筆弄出來，終於成功了。

澄媽為女兒做的美麗包裝

Regards, Rado Poon

學習的一種

用手測試她的iPod Touch自拍功能

曲奇餅

明天阿囡只是返兩個鐘學，原因明天係生日會，澄媽為了大家開開心心過聖誕派對暨生日會，出動到自家製曲奇餅，有杏仁碎的那種，每包兩片，總數十幾包，有金色高貴既金屬綁帶之外，還有澄媽貼紙。試食當然有阿囡份，而且阿囡很乖，在枱邊都只是看，沒事私自拿來吃，其實已經很神奇了。

已經學會

阿囡已經是進入執你口水尾的講野階段，而且混合詞彙或詞組一起使用也有點眉目，昨天提早做冬，她一去到太子維景二樓，我們出電梯便一起發現聖誕樹，她便自己跑到樹的旁邊，對，是旁邊，她不知是那時起學會記住站在旁邊拍照，站好了便叫我們替她影相拍Xmas tree，實在我也覺得驚訝。

習慣

澄媽買了不少新書，太部份係如何升學如何教育子女，如何做好父母等等，我實在感激她這麽用心，雖是她一貫的閱讀喜好，但她也在培養自己，準備女兒的事，我卻沒有攪通這方面，難道要透過踢波去教導女兒嗎？我真希望女兒像澄媽一樣愛書本，不過可能言之尚早。總而言之，我這爸都是要努力一下，看書和想法子多了解女兒。

阿囡訓覺

阿囡尋晚都係訓得唔好，半夜都係果個情況，在夢中驚醒，之後不停地喊，直到咳同嘔，雖然唔係次次嘔，尋晚都有少少。其實長期落去都唔係幾好。我不是專家，但我覺得有啲嘢一定唔係咁理想，可能係睡前行為，可能係食物，可能係安全感，可能係情緒，我當然明白係不是極為嚴重，只是長期係咁可能影響日間學習，唔長肉，還有工人會長期唔夠訓都係問題，今朝她唔知醒起身返學，我沒怪責她，只是一定反影了有小問題存在。

尋晚

阿囡夜晚唔訓覺就唔會，但係訓爛覺發惡夢就周時有，尋晚仲玩得嚴重啲 連起幾次身，一點三點五點，今日其實佢好眼訓，特別係阿嫲阿爺黎完玩完之後。而且佢愈來愈有意識，眼訓時任何人都唔易埋佢身，趕工人入廚房，趕返澄媽入睡房，唔准我坐梳化或者訓覺，自己企響張高櫈上面玩自己去街個袋，又唔俾任何人接近，差不多企響度訓著，工人想試抱入房，澄媽抱上手想用故事書引佢都唔得，我撞手神抱起咗佢去窗邊睇雀，她又肯安靜下來，結果係全部人彈開，抱著一邊喊一邊睇雀，我係咁搖，佢就嚮膊頭上睡著了。我不是有什麽功勞想講，只是有趣的記錄大家都對她不易去睡覺很用心攪，阿囡你真多粉絲。

錫晒妳Dance with 澄媽

錫晒妳 你乖乖地我實行錫晒你
倆家都拖到實只手指尾 上去天棚放飛機
錫晒你 駛乜講我直頭錫晒你
我喺屋企帶定個影相機 替你攞景瞓響地
照顧你 因住冷親即刻冚多張被
買嘢質比你食 喐啲慌死你餓過饑
一於錫晒你 你乖乖地我實行錫晒你
你想搬乜我做你好咕哩 冷氣機都托得起
錫晒你 駛乜講我直頭錫晒你
我洗衫洗褲又會整幾味 跟啲飛仔冇得比
錫晒你 你乖乖地我實行錫晒你
你想出街我做你好司機 送嘢疏爽冇慳皮
(錫晒你，一於錫晒你，冤鬼錫晒你)

講到笑死人

阿囡坐住三輪車，要我揸到廚房去，到sari面前，見到她之後 ，便找阿拿(painah)，阿拿從門後出來，打過了招呼後，不知誰人要說要講拜拜，阿拿話要搭飛機，阿囡話唔准，sari都話搭飛機，阿囡都話唔好，仲響後面補多一句，全部都唔准，笑到我，婆婆同工人們都反轉哂!!

阿囡又作病

過左兩歲，阿囡真係預期都無咁準，真係多左好多唔舒服，今早又有微燒，但無咳無嘔，唔知佢開邊一範。最厲害係尋日工人姐姐話佢放學熱到嘔，原因係佢著住羽絨去玩，仲要響太陽之下，阿囡的嘔真令我擔心!

其實唔多

尋晚回家晚飯，發現工人都很忙，仲未煮飯，澄媽正在攪購物同寫日記，我也趁機會同阿囡玩，好等工人去煮飯。澄媽看見我玩玩下打呵欠，說我攰也和她玩真好，我答說因為和她互動的時間真的不多。事實上真是的，一早到晚都我們都上班 ，早上見她三分鏱或五分鐘，有時仲沒有添，晚上我如果是八點半回家，一坐下便是吃飯加休息共一小時，餘下的便只有她睡前的一小時，真是不太多或者不太夠。每當我記起我放大假 工人返鄉下時，這尤其明顯，那時我每天都對著她，感情要好之如，有互動有記憶，回信也多了，對不只是她相信我，我也相信她的某些能力，某些行為，我們之間也會了解多了。那些日子真的很重要，我也興幸自己付出了。尋晚澄媽飯後也和她玩耍，希望她也感受到要爭取時間和她相處吧，因為時間都不等人，她已經轉眼便兩歲多!!!

買東西

尋晚澄媽買了很多東西回家，十分感謝她心裏無時無刻都想著阿囡的需要，阿囡吃的穿的她都有很多主意和安排，雖然爸爸也偶然(十年一次)買東西，但實在都是沒有澄媽做的好，因為爸爸自己買自己野都有問題。另外，我知道得少，會買錯或者被欺騙，真的要花功夫認識一下，澄媽挑選的被袋很不錯，阿囡都是風車轉的睡覺人，踢被都是常有的，還有記起倉庫都好像有類似的東西，可以研究一下。我不打算買聖誕禮物給她，因為澄媽已經買了足夠啦，我會希望能夠想出特別的點子。

簡單事，大意義

阿囡開始玩爬高爬低，上床上我張櫈上梳化，已經唔係新鮮事，又響梳化跳同行黎行去，今日仲難度高啲，，爬上自己張細膠櫈，再上一級跨上放腳的那張咕，然後自己直立窗邊，扶著窗花，動作當然有跌落地的危險，但唯有她學會不跳下，不在上面跳或者狂亂地玩，才是長久的上策。幸福地她會聽聽我們的指揮，似乎是會掌握得到的樣子!!

阿囡聽講

阿囡有很多進步，理解力也不錯，但現時都很會聽我們似是原因或道理的籍口改變一些行為或決定。例如她已經會爬上高櫈，去電腦枱玩文具，她不但沒有整箱文具翻轉來玩，只是一件一件來，而且當玩到圖釘時，她都會知道會痛，所以唔攞黎玩，唔明白危險這個詞語，但算係好聽我地點，真幸運!

瞎猜

我已經出了門口，但發現我自己沒有帶鎖匙，於是便回頭按門鈴，叫工人開門，工人問咩事，我答漏咗野，阿囡見我行入廳，阿囡問"邊個返黎呀？"，我答我漏咗野，我在枱面尋找，她說"您漏左鎖匙呀？"，噢，她怎樣會知道呢？，我最後在自己的袋裏找到了，根本沒有漏，我才知道她是瞎猜的，我於是說我找到了，她便會回應到"你返工啦，拜拜"，我真係笑到倒地，她也許不太清楚內容，但她卻用心記住次序和邏輯，真是厲害的學習能力，我羨慕。阿囡您好叻又好正常，我很安心和感謝上天。

阿囡又病

雖然今次無發燒，但係鼻水狂流，所以都係要睇，如果唔係人中會損哂，又會訓唔倒覺。今次都係睇趙長成，又要麻煩到阿婆了，她一塞鼻竇，眼睛便會水汪汪的,蠻可憐的令人膽心，澄媽當然很緊張，阿公都好緊張。尋晚雖然己已經睇左，但係都有鼻水，痰和分泌，結果就是睡了也咳到嘔，全張床都係，奶同埋藥一齊嘔，仲有鼻出，她很冷靜，沒有喊，很乖，我卻唔覺意講咗俾澄媽，她當然受不了很傷心，還話我為什麽要這麼老實告訴她。另外的有趣事，由外婆描述，阿囡在診所坐玩具車玩等睇醫生，正想起身唔玩，已經有個三歲半的女孩子，準備叉隻腳過黎想坐，阿囡立刻捉實架車唔放，字正詞嚴的講:"您唔好搶我間車喎"，引得全部的家長都當場大笑,阿囡，您真特別!

講咩!

阿囡對住隔離屋個土地話，"請請，身體健康"，真乖。

澄媽慘

澄媽說: "你個女話唔鍾意我唔掛住我，然後重複十幾次我鍾意姐姐掛住姐姐。得，唔駛幫佢解釋。"我睇完真係唔識同她補鑊，澄媽今日仲攪一大輪為左隻ipod touch， 你話點幫佢解釋

無聊，同個囡一齊訓晏覺

Sent from my Sony Ericsson Xperia arc S

外婆借來玩的，型!

Sent from my Sony Ericsson Xperia arc S

最簡單，同女兒打韆鞦

Sent from my Sony Ericsson Xperia arc S

新款耳環

Sent from my Sony Ericsson Xperia arc S

新歌係

黃昏時突然想起今晩踢波。見唔倒潘品澄。腦海嚮起她最近時時掛在口邊的歌。just imagine。just imagine.係 Barney既歌，佢唱既時候手舞足蹈。好開心呢！

她懂事嗎？

第一次用新電話寫網誌，感覺還沒有很順暢，唯一已知的是手指唔會痛。阿囡已經兩歲了，她明白的多了，但出人意表的事一樣繼續來，她會很有規律做事就人所共知，依家已經係要要求你照她意思去做，例如去公園，一定要求你去指定地點，做指定動作，而且仲要有一定的次序。尋日去公園，她已經會突然向上指，話俾您聽天上有月亮同星星，又會非常留意身邊的小朋友，尋晚仲主動同人打招呼添

再Post

A photo we can't miss, thank you Dr. Ng.

新對白

厘度又有㩒錢呀!

要上班去

放工夜，尋晚只好一邊吃粥，一邊同女兒玩，和她一起洗面擦牙，一個小時多點，女兒便要入房間玩，只見了一會兒。今早起床後，看著她穿好校服出睡房，一起著鞋，一起讀了五分鐘故事書，我便上班了，她也說爸爸返工，我心裏便是與九月時相反，希望多點時間陪她呢！

Take so many medicine, my poor girl

aerius

meptin

chlorpheniramine

pholcodine

 

benadryl expectorant syrup

neofed uni ramine

ventolin uni ramine

zithromax

singulair

---

This E-mail is intended only for the use of the individual or entity named above. It may contain confidential, proprietary or legally privileged information. No confidentiality or privilege is waived of lost by any mistransmission and you are hereby notified that any dissemination, distribution of copying of this E-mail is strictly prohibited. If you receive this E-mail in error, please immediately delete it and all copies of it from your system, destroy any hard copies of it and notify the sender immediately. You must not, directly or indirectly, use, disclose, distribute, print, or copy any part of this message if you are not the intended recipient. We reserve the right to monitor all E-mail communications through our networks.

阿囡病還未好番

唔記得呢個Draft既事有冇響另外一個Blog Post寫左未，但今日計，阿囡個支氣管炎仲未好番，但已經無咁嚴重，尋晚只見她咳一兩次，訓左覺都無咩咳。
...XX日前，澄媽下午再去睇范榮昌，咳密咗之固，一日四五聲，變成一個小時一次，睡醒同睡前都特別厲害，范說氣管敏感，周街人都咳，我以為她被人或同學傳染，當然天氣亦真是秋涼了，我心想都了空氣中的懸浮粒子很多了，身體也一時不能適應吧！上個星期再去睇范，改強了藥還是不好，再去睇趙長成，出動到婆婆，一聽完肺，告知我們是肺炎，左後肺，立刻已經俾阿囡當場吸防哮喘藥。尋日食哂抗生素，依家係澄媽，工人同我一齊病，澄媽話尋日睇醫生，醫生說氣管炎，另外婆婆也被傳染。

玩我架車

阿囡今日早上返紅磡唱遊班。回程唔知點解無哂耐性。又唔俾人地唱歌。又唔俾人講佢啲對白。佢話返屋企就得。你就唔准許講同一樣。講吓啲交通燈或者綠色啲樹都唔俾。真獨裁！返到屋企停車場。突然又話唔返屋企。係都要坐車。我叫走左工人。以為帶佢去公園睇吓花鳥或遊樂滑梯。點知死灰復燃。係都要上返車。去到車旁。玩完一輪防盜。都係引唔到佢返屋企。仲要我坐司機位。還要搵工人姐姐。我迫住開車遊上停車場頂。又落返黎。再遊公園一個圈。佢先話要返屋企。俾佢玩死咗！仲有。入屋後死都唔肯除鞋襪。除到八成叫佢都唔肯。唉。勁頑強！

四圍八料面試

其實全香港好多幼稚園同小學，但係個個都係報來報去果十間八間，尋晚同事講開，好果啲，要截攞表格，攞表四日變攞表兩日，都收六七千份，民生係，培正，創價，St.Catherine都係，仲有新認識既荃灣綠楊，一樣都滿，它還有第一次聽要考的平衡木。

面試，都是這樣

你叫咩名呀？你幾歲？你同邊個黎㗎？呢個咩色？我地一齊數數目？點數呀？我地一齊讀吓啦。百變的汽球，玩過未呀？有兔有貓有Monkey有豬，找河馬吹汽球。俾個紙盒你，俾個波，俾條繩你。做個盒，載兩個波。

My Girl's Homework

大波斯菊Cosmos Bipinnatus, they give her an assignment, actually to us, to record each week the growth of the seed planted. J Interesting

童言

七零三對面阿媽阿婆鬧你打仔十分嘈，一向都是這個樣子，特別是晚上開飯的時候。這陣子天氣涼，打開門就更嘈。尋晚阿囡同早食完飯既阿公同阿姨，響七零四玩，我們還在七零三吃火窩。突然我們在七零三聽到大喊，嚇得澄媽和舅父仔都彈起來，我同外母聽得清楚，不是阿囡喊，其他人不肯定，便跑過隔壁察看，阿囡真的沒事，正在塗鴉。之後吃完飯，阿父(舅父)去隔壁找阿囡，籬遠見到阿囡，大聲叫她打招呼，她立刻回應說，"唔好嘈啦"，當場笑死阿父阿公同阿姨，阿父再給外母澄媽和我陳述，我們也笑到肚痛。

阿囡今朝都係咁樣

凌晨兩點，都有兩聲咳，但未至於咳醒，但凌晨四點，工人同我都要起床看看她，因為實在咳得很兇，難免澄媽很擔心呢！她開始提意轉醫生。我卻想不出新點子來，要關窗開冷氣？要空氣清新機？

物價，短訊

<謝謝，學習褲不要萬寧，特價115都貴，我買88>，我們都是精打細算的，超市和連鎖店都是比較貴，如果不是太繁忙都會星期六去藥房買。阿囡都是正常牌子，不是Pampers便是Huggies，前者尿片好，後者學習褲佳。最大件事係阿囡沒有戒尿片的跡象，會錯過些什麼嗎？別人去厠所，她要等換片？好像連我在內，大家都不急著解決這問題。短訊還是要不停搬到網誌，一來快要換電話，二來都要將它們轉成Backup。

心肝寶貝

阿囡右邊面在仔細看之下，你會發現有輕微的色班，我也記不起是那一次跌倒的後遺症。我曾經有一次底賴澄媽，話她為什麼搬動傢俬，引至小意外的發生，其實只是我沒有看緊眼，而且沒有可能全無跌撞的呢。節錄:<女兒同工人打開玩具櫃，玩得很投入，她突然跑開，去到我正在查看的西裝衣櫃，我冷不防她跑進來，也沒注意她會跌向打開的衣櫃門，撞痛了面，你可以說我疏忽，工人疏忽，我只好說我對那個不熟悉的櫃沒防備。她沒事，你放心。另外要告訴你，我花了很久才適應了衣櫃和梳化，請你通知一聲，另外我很喜歡女兒的塗鴉和掌印，下次你不要的請留給我。>

見完創價，好

澄媽很肉赤

阿囡滿睡好，全因她的氣管敏感還沒有好轉，而且有輕微轉壞的樣子。半夜兩點，阿囡睡了兩個鐘，便開始在睡夢中咳嗽，有時頻繁持續，有時疏，但前晚星期五便咳到嘔。澄媽自己睡不好，又因為阿囡的事更加睡不好，又不希望阿囡也會像自己睡不好，所以她很緊張，這個很正常，我也很緊張她會持續太耐，有長遠的氣管問題。今早澄媽還沒有完全睡醒，便問我是否帶她的女兒去睇醫生，你便知道她有多擔心。阿囡大便後，在床上換片，突然一個打噴嚏，兩條三四公分長的淺綠色的鼻涕，飛了出來，直掛在臉上苦淚兩旁，工人說道這是好的跡象，我也希望是呢！

呢個小朋友揸車出口，好大膽

民生門口好多人，下星期到我地

時間寶貴

尋晚回家，全部人都響七樓，我沒有上去，爭取時間去維修電郵帳戶，到阿囡回家，已經是十點後，我立刻關上電腦，免她玩，而且立刻去同她玩工作紙，玩醫生玩具，親子一吓，當然澄媽便去休息，工人Painah便去沖涼，但其實要中間有任務，要她倆歇一歇之餘，我要幫她換衫，天氣涼了她依然玩到到頭汗。我的親子時間很短，轉眼又半小時，她現在早訓，很早便入房準備食奶上床，見她的時間不多，今早也是只有十五分鐘呢！

真要命

阿囡六點就開始喊，到係果啲訓未醒果隻，所以勁扭。其實都係哦哦，邊喊邊要求，不是真喊，但情緒都係愈攪愈大，收唔倒。十樣事情九樣都喊。攪左半小時，最後工人技窮，快要又咳又嘔。唯有我出手。結果係各大小道具電子產品唱遊全部出齊，先至擺平了。

影左好多張先有呢張

 

等候

阿囡微燒，有幾聲咳，所以兩天沒有上學了，昨天也沒有Playgroup和去珀麗灣晚飯，有冇悶壞了？不覺得，但還是想今天補課，讓她去街跑跑。

早晨

阿囡今日還有微燒，不上學了，但還是一早起床，還是咀噏噏，好生猛，唯間唔中有兩聲咳，她還叫我著衫，話我返工，出門口拜拜時，還叫我小心啲呢！

阿囡病了

一起床便聽見女兒喊，非一般的聲浪，非一般的頻率，進房，原來姐姐要她穿底衫，才可穿運動校服，她唔肯，不停喊，跟住咳嗽，結果便嘔奶，仲要分開兩次，最慘係又再嘔到響鼻孔出奶，心都酸埋，心裡好想怪責工人不安撫阿囡，但也知不是時機。再加上工人立刻話佢發燒，我當然唔再理會佢嘔，手一探，額頭真的很熱，當然之後唔洗講都知啦，探熱叫澄媽。父母最不安的還是兒女有病，希望快點痊癒，鍛煉了和增強了抵抗力就好。

大膽構想

事源阿囡快要兩歲生日時，想提議兩家人一齊正日開生日會，一齊渡過，所以提早兩日星期天午後攪，點知外母外公怕煩，反而立刻話唔攪，好彩最後變成星期日去酒樓潘氏晚飯，正日同澄媽工人食，只去703吹蛋糕，結果有以下短訊:對不起，我們實在沒有跟進得很貼，因為澄媽同外父外說不攏，阿媽今晚又夜機返港，阿爸又永遠無所謂，我所以決定有幾個食幾個，今晚食飯可以嗎？人物一定如下，christine，windice，waterching，rado，希望你們喜歡簡單一聚，有意見請表達，地點暫定旺角維景，始創對面

隔離

我們都是緊張或謹慎的父母，這是澄媽說的<不知道，晚點如很不舒服我會去看醫生，只是看來輪到我不準抱女兒了，剛起感冒最易傳染。>去年我們輪流病，都把自己關在房間裏，免得她受感染。

有限制

阿囡對於陌生環境既適應已經唔錯，但是總有例外，太婆大壽，初段都是喊到唔收聲。我地俾咗張木床kiddy to個妹，車張床去黃埔，把車子停在路邊，她們倆夫婦來攞，一開車門阿囡響自己個位上就開始嚎哭，真敏感。節錄:嘩，做咩啲利是咁大封，床如有問題記得同你家姐講，另外，阿囡怕陌生人，失禮哂，仲有恭喜哂，你地有個小生命到來，祝身體健康。

新校服，爸爸一定話靚

新校服，爸爸一定話靚

新校服，爸爸一定話靚

返學改動

今個星期初返學，只返一小時，阿囡係五個新同學中，唯一一個唔喊的，澄媽向老師提意，下星期原定的兩小時上課，改為直接跳至三小時，我不置可否。原因很簡單，我們都不在場，判斷全憑班主任老師的觀察，學習教育都是因人而異的，但全班的運作又豈能每個情況都不停更改呢，有幸班主任是有經驗及資深的，她認同的要求很有機會獲得接納。這個不是為女兒的事認叻，而是不希望她還沒有玩夠便回家，而且怕她待在這組裏面發呆，不竟我們都讚成老師要照顧正常未適應的小朋友。

又一村面試

面試月

今日大作戰，要見三間，到目前為止，已經有救世軍陳昆棟見咗收咗，九龍塘啟思見咗，尋日見咗嘉材邊道迦南，呢間係總校吧，很舊，地方比較細小，老師們也不年輕，表面看來都很有愛心，有經驗的。女兒對答一般，時對時錯，有時有反應有時呆坐，或者很細聲。其實我心裏都仲係果句，答得到或答唔到，我都不覺得緊要，而且所有小朋友不會差很遠，反而係她對我們的反應是怎麼樣，反映了我們之間的關係是怎樣，或者是我們是怎麼樣的父母。

澄媽買這個工作紙很不錯

太婆壽宴上，Janet姨請食的朱古力安撫了她

第一天返學了，她很喜歡校服上的兔仔

星期日Painah放假，阿囡早起睇卡通，當我係咕

嬰兒用品

阿囡已經兩歲。好多物品都已經唔啱用。佢已經訓咗好耐子母床好耐。張木床唯有搵人收留。 kiddy個妹 summy剛剛生了。加上趙爺個女都係一歲左右。所以連網床連衣服包被都送哂俾佢兩姊妹。我又避過送啲嘢去堆填區。雖然我地可以送去救世軍商店。賣俾有需要既人。但係點都係送俾有需要既朋友最有意義。經濟效益其次。節約和善用資源。保護地球才另我心裡欣喜！

這樣是什麼睡姿

阿囡體能示範

阿囡依晚夜時時都要飯後放電，公園裏有很多其他做運動的人，女仕她沒興趣，因為男仕們的動作，都令她覺得很有新鮮感，她目不轉睛地看他們做的動作，不猶分說，她便模仿起來，特別是掌上壓。她雙手按地，抬高了臀部，其實是成人的站立之後彎腰，她輕易便做到，雙腳時曲時直，臀部上升下降，她當然當正是做緊掌上壓

教育與教導

阿囡足兩歲了，也只不過兩歲，不是成人，我們對她並不完全認識，行為我們觀察了很多，但動機或誘因卻是不明，這個是很簡單的道理，因為我們都是外行人，不善於閱讀她的行為。語言表達來說，她字眼有限，加上肢體語言，只能大約表達她自己的意見，卻只是大方向罷了，我們的說話，她只能從我們說話的語氣猜想我們成人的意思。其實冷靜下來，她只是想吃一些我們沒計劃她吃的食物，我們自己呢？我們想她按我們的時間表吃我們策劃的食物，兩者有差距，我們和她都有壓力，我們和她都一起有了臨場的情緒，令問題更加蓋上不利的因素。我雖然嘗試用舊的招數來應付，試圖分散她的注意力，但沒有成功，稍為過度一陣，環境的設置沒有變改，她又記起她原來的意慾和訴求，繼續爭取。我嘗試想帶她到街外走一走，但她已經不肯離開飯枱。我們三個都不懂如何是好，澄媽和工人看著她哭泣了這麼久，都不忍堅持，我因為時間短，沒什麼情緒，但也同意盲目堅持沒太大意義，她不會明白她想吃和我們想她吃是同一個時空的事，我們也不會自覺這是兩件事，當然我們後來會明白七點半她不吃飯是一件獨立事項或事故，她八點半不吃自己飯，要吃我們的又是另外一件事。當是毫無頭緒的我雖然情緒穩定，但也不打算立刻吃飯，一來我想澄媽工人可以吃飯，二來想想吓辦法，三來便是多觀察一吓，結果我想起書籍可能有的協助。我去拿起'兒童心理及幼兒輔導'，快速看了數頁行為的描述，我才注意到，她們的世界沒有<不對>，只有<不被接受>，又注意到到些沒有深思熟慮的範疇，例如成人行為前後的一致性，我們的期望，她對不確定的事不定的認證，環境設置等等。實在不是我們自己注意到的那麼簡單，澄媽是感知型的忍者，工具書縱使有前人的智慧和體驗，都不會是她第一選擇，看來只好我自己來先學習，先領悟，再分享。

Happy Mammy and Happy 傻BB

 

---

This E-mail is intended only for the use of the individual or entity named above. It may contain confidential, proprietary or legally privileged information. No confidentiality or privilege is waived of lost by any mistransmission and you are hereby notified that any dissemination, distribution of copying of this E-mail is strictly prohibited. If you receive this E-mail in error, please immediately delete it and all copies of it from your system, destroy any hard copies of it and notify the sender immediately. You must not, directly or indirectly, use, disclose, distribute, print, or copy any part of this message if you are not the intended recipient. We reserve the right to monitor all E-mail communications through our networks.

前

不是西九龍

她去西九奇華買麵包已經是街知巷聞，看點係她右腳和甫士，現在時時這樣擺出來

年度最愛下午@黃金海岸

今日仲有韆鞦上倒掛金鉤

澄媽自家製

三位食雪糕的女士

Good Domain

The original domain of my girl website is http://waterching.blogspot.com/

Now, it also mapped to http://www.waterching.com/

That’s great J

阿公生日

這個星期一，今年在家的豐富晚飯也沒有，阿公阿婆要撐枱腳，我地只係九點鐘後切蛋糕，當然阿囡要唱首本名曲，生日歌，她的專注力雖然慢慢被枱面的朱古力蛋糕扯了過去，但當我們說要拍照和笑，她都很合作，戲劇化的笑聲和表情引得大家滿堂大笑。

兒童學堂:跳舞playgroup 引發音樂本能<明報>

兒童學堂:跳舞playgroup 引發音樂本能

明報:其實小朋友對音樂和拍子興趣甚濃，透過愉快的舞蹈，可讓他們輕鬆認識身體及控制大小肌肉。其實小朋友對音樂和拍子興趣甚濃，透過愉快的舞蹈，可讓他們輕鬆認識身體及控制大小肌肉。

---

This E-mail is intended only for the use of the individual or entity named above. It may contain confidential, proprietary or legally privileged information. No confidentiality or privilege is waived of lost by any mistransmission and you are hereby notified that any dissemination, distribution of copying of this E-mail is strictly prohibited. If you receive this E-mail in error, please immediately delete it and all copies of it from your system, destroy any hard copies of it and notify the sender immediately. You must not, directly or indirectly, use, disclose, distribute, print, or copy any part of this message if you are not the intended recipient. We reserve the right to monitor all E-mail communications through our networks.

拍照多方便，澄媽攝

WaterChing @ Uniqlo

She likes visiting shops for clothes and mammy like to put her to various trial. Take a catwalk photo.

又是上班中記事

尋日工人放假，阿囡都很乖，沒有特別惡攪，她現在都是自己舀飯食，不太喜歡你餵，我當然要把握頭的五分鐘，把她不會主動吃的蔬菜，趁著她肚子還餓，先餵她吃幾口，確保食物平衡。她自己會吃飯，魚和蛋，還會把大件的用匙羹切成小片，又懂把咀裏大片的用門牙閘斷，她又進步了。最大發現係她對讚賞的反應，當她滿口嚼爛食物之時，她很想吐出來，我們都傷透腦筋，叫她不吐她反而更要吐，還笑起來，典型幼兒反應。怎料尋日當我讚美她不吐便會很靚，她好似煞有戒事的，把口邊快吐的都吞回去，之後滿意的，覺得自己靚的表情立刻掛於面上。我得悉這個之後當然用於最難攪的紅籮白上啦，我說吃了眼睛好靚，還用手指在自己的眼窩上比畫一番，她果然有反應，跟著吃起紅籮白來，當然也在自己的眼窩前比畫一番，另外不少得唱大力水手，雙手伸直和收起來顯示大隻吐。

星期六

今日真係好深感受，全個臉書都是學校排隊的家長Post。我問一問工人她十一歲的女兒是怎麼樣面試，她說從來只有一度次，就是入中學時，那校她考沒考進。香港便是這樣擠迫，一日三個面試，兩三個星期便十間了，十倍報名，超額認購，最後一人一股。

阿囡食雪糕

為寫而寫

忙了二三星期，工作量並沒有改善，但也沒立刻有效的法子大扭轉。她快兩歲了，下月快上學，都忙於早點調整她的作息時間，又要試戒尿片，最想做多一點的是工人教她說話的口音問題，澄媽其他事都很有報行力，唯獨想她持續性地在語言同刺激腦部小遊戲方面，她有點愛理不理或者是隨緣，我當然是認同Ken sir大部分想法啦，我都有贏在起跑綫的心態，我指的不是成績或才藝，而是腦部發展和智慧。有了強大的基礎，後面的什麼什麼才有機會發生。我當然明白心態和性格培育在往後日子也非常重要啦。

改變一籮籮

工人假期完了，一切秩序回復原來的時間表，但內容就變哂，愈來愈多，阿囡快要兩歲，要返明慧，唔返甲子，學去小便戒片，講好多嘢，好強自己主意，睇好多電視同埋卡通，唔早訓，講嘢愈講愈唔正，但組織力愈來愈強，句子好長，想一想諗一諗先至答你，全抄我地說話同表情，有時諗一諗先答我地，仲未識問問題，愈食愈垃雜，已經食雪糕同朱古力，已經把家人都大致憑空記得。唔肯吹頭髮，還是要堅持自己搽凡士琳，時時伸條脷出來，拍照叫她笑，她卻翁起個咀，依起鵬牙以為笑是那樣，擺鋪士會側起個頭或踎低。她會單槓，愛滑梯，會爬隧道。出街喜歡自己上落大堂啲樓梯。她喜歡咬工人，阿婆同佢阿媽，她怕唧腰，也喜歡唧人，她重三十二磅，有多冇少，高九十公分，鞋穿二十五號，衫要百五，她叫儍BB或Waterching，冇英文名，唔叫澄澄或阿澄，佢係我個囡，前世的情人，潘品澄。

朱古力

阿囡一向都喜歡學我地啲舉動，她已經喜歡拿食物去點汁點醬，例如烤餅點咖哩。但係今次Waffle竟然唔係好喜歡，只係想吃朱古力雪糕同忌廉。今餐仲為咗唔俾隻生雞蛋佢食，我第一次生吞了。

外婆生日

外婆說自從她出世，她的心都比從前愉快得多，她說是緣份，我同意之餘，其實都因為她自己都是一個充滿愛的一個人。

重要食材標準

這張是姑姐拍的

Shoes from TB by PC

阿囡的憤怒鳥

心意

阿嫲時時話鐵瓷羹遇熱便會燙咀，膠瓷羹又話怕啲膠有毒，至於阿爺當然係話陶瓷瓷羹會打爛，但無係一家人啲理由或意見或角度，最終都同意買迷你陶瓷瓷羹俾阿囡用。其他理由仲有好多，啲大人瓷羹好難操控，因為太長之故。一盒的兒童安全膠餐具，品質當然無問題，但設計真嘛嘛，抑係個瓷羹邊好厚，舀唔上食物，抑係個瓷羹好淺，盛載唔倒食物，好易流出黎。最後，縱使很少鋪頭有賣，爺爺都行了很多間搵俾個孫，最係唔該哂爺爺。

一口氣

可能阿囡知我無儲存空間，又唔捨得删除檔案，按住個取消鍵，删除了大部分的相片，唉。

姑姐突然想念，要即場相片

咔嚓